Ərdoğan BMT sülhməramlılarının Kiprdəki bufer zonada hərəkətlərini qəbuledilməz adlandırıb

Kiprdə bufer zonada olan BMT sülhməramlı qüvvələrinin nümayəndələrinin orada yaşayan yerli türklərə qarşı hərəkətləri qəbuledilməzdir və regionda gərginliyə səbəb olur.

Bu barədə Türkiyə Prezidenti Rəcəb Tayyib Ərdoğan Ankarada sədrliyi ilə keçirilən Nazirlər Kabinetinin iclasından sonra xalqa müraciətində deyib.

“Sülhməramlı qüvvələrin Şimali Kipr Türk Respublikasının sakinlərinə qarşı hərəkətləri bizim üçün qəbuledilməzdir. Təəssüf ki, onlar regionda gərginliyin artmasına səbəb olub, onların nə hüquqi, nə də humanitar əsasları var”, - Ərdoğan bildirib.

Xatırladaq ki, daha öncə Türkiyə Xarici İşlər Nazirliyi BMT-nin sülhməramlı qüvvələrinin bu addımını pisləmişdi.


“Report" , “TRT Haber”