Göygöldə "QAZ-24" yoldan çıxaraq körpüdən asılı vəziyyətdə qalıb

Göygöl rayonunda yol-nəqliyyat hadisəsi baş verib.


APA-nın Fövqəladə Hallar Nazirliyinin (FHN) saytına istinadən verdiyi xəbərə görə, vətəndaşa məxsus "QAZ-24" markalı minik avtomobili yoldan çıxaraq körpüdən asılı vəziyyətdə qalıb. Dərhal FHN-in xilasediciləri hadisə yerinə cəlb olunub. Avtomobildə köməksiz vəziyyətdə qalmış sürücü yanğınsöndürən-xilasedicilər tərəfindən xilas olunaraq avtomobildən çıxarılıb və avtomobil təhlükəsiz yerə çəkilib.


Hadisə ilə əlaqədar müvafiq qurumlar tərəfindən araşdırma aparılır.