Telefon mağazasına silahlı basqın

Ötən gün Şəki şəhəri M.Ə.Rəsulzadə prospektindəki “RAS-Telekom” MMC-yə məxsus mağazaya silahlı basqın olub.


ANS-in Daxili İşlər Nazirliyinin mətbuat xidmətinə istinadən verdiyi məlumata görə, əvvəllər məhkum olunmuş Zaur Mustafayev dükana girərək, satıcı Nicat Məmmədlini bıçaqla hədələyib. Ondan “Nokia” markalı mobil telefonu verilməsini tələb edib. Zaur telefonu almayacağı təqdirdə mağazanı dağıdacağını bildirib.


Telefon mağazasına basqın edən Z.Mustafayev polis tərəfindən tutulub.


Faktla bağlı araşdırma aparılır.