“Mançester Siti” 5 milyona futbolçu alır

İngiltərənin “Mançester Siti” klubu “Atletiko" (Madrid) klubunun futbolçusu Martin Demiçelisi transfer etmək niyyətindədir. Live.az İspaniya mediasına istinadən xəbər verir ki, ingilis klubu argentinalı futbolçu üçün 5 milyon avro ödəməyə hazırdır.

Ötən mövsüm “Malaqa”’nın baş məşqçisi olan Peleqrini “Mançester Siti”nin heyətində Kompani və Nastasiçin zədəli olduğu üçün təcrübəli müdafiəşiyə ehtiyac duyur. Bu səbəbdən də argentinalı futbolçunun transferini tezliklə başa vurmaq istəyir.

Qeyd edək ki, “Atletiko Madrid” Martin Demiçelisi heyətinə qatmaq üçün heç xərc çəkməyib və argentinalı futbolçu kubla "azad agent" kimi müqavilə bağlayıb.