“Meta Platforms”un baş icraçı direktoru Mark Zukerberq 2023-cü ilin dördüncü rübündə təxminən 428 milyon ABŞ dolları dəyərində şirkətin səhmlərini satıb.
Bu barədə “Bloomberg” xəbər verir.
Qeyd olunub ki, bu, onun iki il ərzində ilk səhm satışıdır. Bu, şirkətin səhmlərinin qiymətinin son 7 ildə ən aşağı səviyyəyə enməsi fonunda baş verib. Bazar tənzimləyicisinin hesabatına görə, Zukerberq noyabrın 1-dən ilin sonuna qədər olan dövrdə hər ticarət günü səhm satıb. Bu dövr ərzində “Meta Platforms”un təxminən 1,28 milyon səhmi satılıb.
M.Zukerberq orta hesabla hər satışdan 10,4 milyon ABŞ dolları gəlir əldə edib. Ən yüksək gəliri (17,1 milyon ABŞ dolları məbləğində) isə şirkət rəhbəri dekabrın 28-də əldə edib.
Bütövlükdə, M.Zukerberq "Meta"nın təxminən 13 % səhmlərinə sahibdir. Onun sərvəti təxminən 125 milyard ABŞ dolları dəyərindədir, bu isə, M.Zukerberqi dünyanın yeddinci ən zəngin adamı edir.
