Bu gün Çempionlar Liqasında 2013/2014 mövsümünün qrup mərhələsinin püşkü atılıb.
Live.az-ın verdiyi xəbərə görə, Monakoda təşkil olunan mərasimdə 32 klub 8 qrupa bölünüb. Həmin klublardan 10-u pley-off mərhələsinin qalibləridir, 22-si mübarizəyə birbaşa qrup mərhələsindən qoşulacaq.
Püşk ərəfəsində 32 iştirakçı səbətlərə bölünüb. Bu bölgü UEFA reytinqinə əsasən aparılıb. Türkiyənin “Qalatasaray” klubu B qrupunda yer alıb. Onun rəqibləri “Real” (İspaniya), “Yuventus” (İtaliya), “Kopenhagen” (Danimarka) klublarıdır.
A qrupu: “Mançester Yunayted” (İngiltərə), “Şaxtyor” (Ukrayna), “Bayer” (Almaniya), “Real Sosyedad” (İspaniya).
B qrupu: “Real” (İspaniya), “Yuventus” (İtaliya), “Qalatasaray” (Türkiyə), “Kopenhagen” (Danimarka)
C qrupu: “Benfika” (Portuqaliya), PSJ (Fransa), “Olimpiakos” (Yunanıstan), “Anderlext” (Belçika)
D qrupu: “Bavariya” (Almaniya), MOİK (Rusiya), “Mançester Siti” (İngiltərə), “Viktoriya” (Çexiya)
E qrupu: “Çelsi” (İngiltərə), “Şalke” (Almaniya), “Bazel” (İsveçrə), "Styaua" (Rumıniya)
F qrupu: “Arsenal” (İngiltərə), “Marsel” (Fransa), “Borussiya” (Dortmund, Almaniya), “Napoli” (İtaliya),
G qrupu: “Porto” (Portuqaliya), “Atletiko” (İspaniya), “Zenit” (Rusiya), “Austriya” (Avstriya),
H qrupu: “Barselona” (İspaniya), “Milan” (İtaliya), “Ayaks” (Hollandiya), “Seltik” (Şotlandiya)
