Tovuzda qadın bıçaqlanıb

Tovuz rayonunda bıçaqlanma hadisəsi baş verib.


Tovuz rayon Polis Şöbəsindən APA-ya verilən məlumata görə, hadisə rayonun Əyyublu kəndində ərzaq mağazasında qeydə alınıb. Kənd sakini, 1965-ci il təvəllüdlü Təranə Əliyeva mağazada mübahisə edən iki nəfəri sakitləşdirmək istəyərkən bıçaqlanıb. Qadın dərhal Tovuz Mərkəzi Rayon Xəstəxanasının cərrahiyyə şöbəsinə yerləşdirilib. Onun vəziyyətinin normal olduğu bildirilir.


Tovuz rayon Polis Şöbəsində faktla bağlı araşdırma aparılır.