Türkiyənin “İncirlik” aviabazasına ABŞ Hərbi-Hava Qüvvələrinin 3 yük təyyarəsi enib

Türkiyənin Adana əyalətində yerləşən “İncirlik” aviabazasına ABŞ Hərbi-Hava Qüvvələrinin 3 yük təyyarəsi enib.

APA-nın “HaberTürk” agentliyinə istinadən verdiyi xəbərə görə, təyyarələrin göyərtəsində hərbi xarakteri yük olub.

Təyyarələr bir birinin ardınca ötən axşam enib. Yükün təyinatı barəsində dəqiq məlumat verilmir. Məlumata görə, ötən gün səhər saatlarında aviabazadan altı “F-16” qırıcı təyyarələrinin və 1 pilotsuz kəşfiyyat təyyarəsinin uçuş etdiyi bildirilir.

Yerli müşahidəçilər aviabazada fəallığın artmasını Suriyada hərbi əməliyyata hazırlıq ilə əlaqələndirirlər.