“Arsenal” Draksler və Kakanı almaq niyyətindədir

İngiltərənin "Arsenal" klubu yarımmüdafiəçilər Kaka ("Real Madrid") və Yulian Draksleri ("Şalke") transfer etməyi planlaşdırır. Bu barədə Trend İngiltərərnin "The Telegraph" qəzetinə istinadən məlumat verir.

Hər iki futbolçu London təmsilçisinin əsas transfer hədəfidir. "Arsenal" artıq Drakslerin keçidi ilə bağlı Almaniyanın "Şalke" klubuna sorğu göndərib.

Kakaya gəldikdə isə oyunçunun özü "Milan"a qayıtmaq istəyir, lakin London təmsilçisi oyunçu üçün "Real"a lazımı məbləği ödəməyə hazırdır.

"Arsenal" o cümlədən "Real"ın argentinalı yarımmüdafiəçisi Anhel Di Mariyaya da maraq göstərir.