Bakıda qadın özünü doqquzmərtəbəli binanın damından atmaq istəyib

Bakıda bir nəfər intihar etmək istəyib.

APA-nın Fövqəladə Hallar Nazirliyinin (FHN) saytına istinadən verdiyi məlumata görə, Bakı şəhəri, Xətai rayonunda bir nəfərin intihara cəhd etməsi barədə FHN-in “112” qaynar telefon xəttinə məlumat daxil olub.

Nazirliyin müvafiq xilasetmə qüvvələri dərhal hadisə yerinə cəlb olunub.

Əməliyyat şəraiti qiymətləndirilərkən müəyyən olunub ki, qadın özünü doqquzmərtəbəli binanın damından atmaq istəyir. Xilasedicilər intihara cəhdin qarşısını alıblar.