Livanın paytaxtı Beyrutun Dahiyə məhəlləsində "Hizbullah" tərəfindən istifadə edilən portativ rabitə qurğularının partlaması nəticəsində yaralananların sayı 2 min nəfərə çatıb.
Bu barədə xarici KİV məlumat yayıb.
Məlumata görə, xəsarət alanlar arasında yüksək rütbəli hərbçilər də var.
Qeyd olunub ki, xilasetmə qüvvələri hələ də Livanın hər yerindən qurbanları təxliyə edir.
///
Livanın paytaxtı Beyrutun Dahiyə məhəlləsində "Hizbullah" tərəfindən istifadə edilən portativ rabitə qurğularının partlaması nəticəsində yüzlərlə döyüşçü yaralanıb.
Bu barədə İran KİV-i məlumat yayıb.
Bildirilib ki, qurğular Livanın cənubunda partlayıb. Məlumata görə, partlayış yarım saat davam edib.
Livan Səhiyyə Nazirliyi bütün ölkədə baş verən partlayışlardan sonra insanları rabitə cihazlarından uzaq durmağa çağırıb.
İddialara görə, rabitə qurğuları İsrail tərəfindən partladılıb. Hadisə ilə bağlı İsrail tərəfindən heç bir şərh verilməyib.
"Hizbullah" mənbələri bunu İsraillə təxminən bir ildir davam edən müharibədə ən ciddi təhlükəsizlik problemi kimi qiymətləndirib.
Beyrutdakı partlayışda İran səfiri Müctəba Əmani də yaralanıb.
Report
