ABŞ-də prezident seçkilərində qələbə üçün lazım olan sayda seçici səsi qazanan Donald Trampın andiçmə mərasimi 2025-ci il yanvarın 20-də Kapitolidə keçiriləcək.
Bu barədə “USA Today” məlumat yayıb.
Mərasimdən əvvəl və sonra digər tədbirlər, o cümlədən təntənəli parad və inauqurasiya balı keçiriləcək.
///
07.11
Tramp prezident seçkilərində 267 səslə liderlik edir
Respublikaçılar Partiyasından ABŞ prezidentliyinə namizəd Donald Tramp seçkilərdə qələbə qazanmaq üçün tələb olunan 270 səsdən 267-sini toplayıb.
Bu barədə ABŞ KİV-i məlumat yayıb.
“Fox News” telekanalı onun artıq 248 səs topladığını bildirir. Məlumata görə, o, əsas ştatlardan biri olan Corciyada demokratların namizədi Kamala Harrisi geridə qoyub. Trampın qalib gələcəyi təqdirdə bu ştat ona 16 seçici səsi qazandıracaq.
Tramp həmçinin Pensilvaniya ştatında da qalib gəlir ki, bu da namizədə 19 seçici səsi verir.
Trampın yaxın vaxtlarda Floridada tərəfdarları qarşısında çıxış edəcəyi gözlənilir. Öz növbəsində, Harrisin seçki qərargahı onun növbəti gün çıxış edəcəyini açıqlayıb.
///
06.11
Tramp prezident seçkilərində liderlik edir
ABŞ-də Respublikaçılar Partiyasından prezidentliyə namizəd Donald Tramp 277 seçicinin dəstəyini alaraq 270 seçici səs həddini keçib. Bu da onun seçkilərdə qələbə qazandığını göstərir.
Bu barədə “Fox News” telekanalı məlumat yayıb.
Nümayəndələr Palatasının sədri Ceyms Conson Trampın ABŞ-nin seçilmiş prezidenti olduğunu açıqlayıb.
O, Florida ştatının Palm-Biç şəhərində tərəfdarlarına müraciət etməyi planlaşdırır.
ABŞ prezidentliyinə keçmiş müstəqil namizəd kiçik Robert Kennedi Trampı seçkilərdəki qələbəsi münasibətilə təbrik edib.
"Trampı tarixi qələbəsi münasibətilə təbrik edirik",- o, "X" sosial şəbəkəsindəki hesabında paylaşım edib.
Salvador Prezidenti Trampı təbrik edən ilk ölkə liderlərindən biri olub.
80 milyondan çox amerikalı erkən səs (şəxsən və ya poçtla) verib. Məlumata görə, 41% demokrat, 39% isə respublikaçı kimi qeydiyyatdan keçib.
Kamala Harris səsini poçtla göndərib, Doland Trump isə həy
