ABŞ-nin 47-ci prezidenti Donald Tarmp and içərək vəzifəsinin icrasına başlayıb.
Mərasim təxminən min nəfərin yerləşə biləcəyi Konqresin mərkəzi salonu olan Rotundada 40 ildən sonra ilk dəfə baş tutub.
Respublikaçı Konstitusiyaya və iki İncil kitabına əlini qoyaraq andı içib.
Bununla da Tramp ABŞ tarixində fasilə ilə ən yüksək dövlət vəzifəsini tutan ikinci prezident olub. Əvvəllər buna yalnız Qrover Klivlend (1885-1889-cu illərdə və 1893-1897-ci illərdə) nail olmuşdu. Tramp hazırda ABŞ-ın 45-ci və 47-ci prezidentidir.
Trampla yanaşı, 40 yaşlı Ceyms Devid Vens də vitse-prezident kimi and içib.
///
2025-01-20 20:45
Vaşinqtonda Donald Trampın inauqurasiya mərasimi başlayıb
Vaşinqtonda ABŞ-nin yeni seçilmiş prezident Donald Tramp və vitse-prezident Ceyms Devid Vensin andiçmə mərasimi ilə bağlı son hazırlıq işlər gedir.
Bu barədə LİVE.az xarici KİV-ə istinadən xəbər verir.
Mərasimin rəsmi hissəsi başlayacaq və əvvəlcə Vens and içəcək.
Daha sonra Tramp inauqurasiya nitqinə başlayacaq və və administrasiyasının növbəti dörd il üçün hədəflərini açıqlayacaq.
Trampın inauqurasiya nitqindən sonra səlahiyyət müddəti başa çatan Cozef Baydenin ənənəyə uyğun olaraq mərasimi helikopterlə tərk edəcəyi gözlənilir.
Yeni dövlət başçısı daha sonra prezident otağında bir sıra əsas sənədləri imzalayacaq.
İnauqurasiyada Tramp və Vens ailələrinin üzvləri, həmçinin vəzifəsini tərk edən Baydenlə həyat yoldaşı, vitse-prezident Kamala Harrislə əri iştirak edəcək. Bundan başqa, inauqurasiyaya ABŞ-nin keçmiş prezidentləri Barak Obama, Bill Klinton və Corc Buş qatılıb.
