Yaponiyada 6,9 bal gücündə zəlzələ olub

Yaponiyanın cənub-şərqində, okeanda 6,9 bal gücündə zəlzələ baş verib.

APA-nın “RİA Novosti”yə istinadən verdiyi xəbərə görə, bu barədə ABŞ Geoloji Xidmətin saytında dərc olunmuş məlumatda bildirilir.

Bakı vaxtı ilə 05.18-də qeydə alınmış zəlzələnin episentri Yaponiya sahillərindən 500 km aralıda olub. Yeraltı təkanlar 400 km dərinlikdə baş verib.

Dağıntılar və tələfat barədə hələlik heç bir məlumat verilməyib. Sunami xəbərdarlığı verilməyib.