ATƏT-in Minsk Qrupunun yeni təyin olunmuş amerikalı həmsədri gələn həftə Azərbaycana gələcək

ATƏT-in Minsk Qrupunun yeni təyin olunmuş amerikalı həmsədri Ceyms Uorlik gələn həftə Azərbaycana gələcək.

Bu barədə APA-ya ABŞ-ın Azərbaycandakı səfirliyindən məlumat verilib.

Qeyd edək ki, C.Uorlik bundan əvvəl özünün Tvitter səhifəsində tezliklə Ermənistana, Azərbaycana və Dağlıq Qarabağa səfər edəcəyini bildirib. Bu, C.Uorlikin ATƏT-in Minsk Qrupunun həmsədri qismində regiona ilk səfəri olacaq.