“AtaBank” 66 milyon ABŞ dollarından yuxarı güzəştli kredit ayırıb

"AtaBank" ASC 2003-cü ildən Sahibkarlığa Kömək Milli Fondunun (SKMF) üzvüdür və bu günə kimi bank tərəfindən 52 milyon manat güzəştli kredit verilib.

Məlumata görə, "AtaBank" ASC aprelin 26-da İqtisadi İnkişaf Nazirliyinin Sahibkarlığa Kömək Milli Fondu tərəfindən Binəqədi rayonunun Biləcəri qəsəbəsində təşkil edilən " Sahibkarlığın inkişafına dövlət dəstəyi" mövzusunda keçirilən tədbirdə iştirak edib. Tədbirdə Bakı və ətraf qəsəbələrdə fəaliyyət göstərən 100-ə yaxın sahibkar iştirak edib. 2013 il ərzində "AtaBank" ASC vasitəsilə sahibkarlıq subyektlərinə 2,362 milyon manat güzəştli kredit verilib. Bu kreditlər hesabına təqribən 200-ə yaxın yeni iş yerinin yaradılması nəzərdə tutulur.

1993-cü ildən fəaliyyət göstərən "AtaBank" ASC Azərbaycanın ən böyük kommersiya strukturlarından biridir. Bu gün "AtaBank" yüksək texnologiyalı universal bank hesab edilir. Bank korporativ və fərdi müştərilərə tam xidmətlər spektrini təqdim edir.