Bakıda avtomobil 18 yaşlı piyadanı vuraraq öldürüb

Bakıda piyadanın ölümü ilə nəticələnən yol qəzası baş verib.


Səbail Rayon Polis İdarəsindən APA-ya verilən məlumata görə, hadisə Yaqubov küçəsi-36 ünvanında qeydə alınıb. 1972-ci il təvəllüdlü Natiq Qurbanov idarə etdiyi “90-XC-314” dövlət nömrə nişanlı “Opel-Vectra” markalı avtomobillə yolu keçən piyada 1995-ci il təvəllüdlü Fərid Məmmədovu vurub.


Piyada aldığı xəsarətlərdən Klinik Tibbi Mərkəzdə dünyasını dəyişib.


Faktla bağlı araşdırma aparılır.