Bakıda qadın yaxınlarının gözü qarşısında özünə od vurdu

Bu gecə saat 02:00 radələrində Bakının Binəqədi rayonu ərazisində dəhşətli intihar hadisəsi baş verib.

Binəqədi rayon Polis İdarəsinin 6-cı polis bölməsindən ANS-ə verilən məlumata görə, Biləcəri qəsəbəsində kirayədə yaşayan 1985-ci il təvəllüdlü Naibə Sultan qızı İmanova üstünə benzin tökərək özünü yandırıb.

Qadın özünə yaxınlarının gözü qarşısında od vurub. Qadının həyatını xilas etmək mümkün olmayıb. Faktla bağlı Binəqədi rayon Prokurorluğu tərəfindən cinayət işi başlanıb, arşadırma aparılır.