Gəncədə iki nəfərin mübahisəsi ölümlə nəticələnib

Gəncədə iki nəfərin mübahisəsi ölümlə nəticələnib.

Gəncə şəhər Prokurorluğundan APA-ya verilən məlumata görə, hadisə Sadıllı qəsəbəsində baş verib.

Gəncə şəhər sakini, 29 yaşlı Vüqar Kərimov şəxsi münaqişə zəminində tanışı və həmyaşıdı olan şəhər sakini Qasım Həsənovu bıçaqlayıb.

Q. Həsənov hadisə yerindəcə dünyasını dəyişib.

Prokurorluqdan bildiriblər ki, Vüqar Kərimov saxlanılıb. Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə iş açılıb, istintaq aparılır.