Berti Foqts: Qaret Beyl dünya səviyyəli futbolçu deyil

Azərbaycan milli komandasının baş məşqçisi Berti Foqts Qaret Beylin "Real"a transferindən danışıb.


Live.Az-ın məlumatına görə, FİFA-nın rəsmi saytına danışan alman mütəxəssis uelsli yarımmüdafiəçinin Madrid klubunda böyük uğurlar qazana bilməyəcəyini deyib:


"Çünki Beyl dünya səviyyəli futbolçu deyil. Onu tanıyıram və açığı, futbolçunun bu qədər böyük məbləğə transfer olunmasına təəccübləndim. İndi Beyl sübut etməlidi ki, mən onun haqqında yanlış düşünürəm".


Foqts Almaniya millisinin üzvü Mesut Özilin "Arsenal"a transferinə də münasibət bildirib: "Arsen Vengeri təbrik edirəm. Özil oyun üslubuna görə, "Arsenal"ın çoxdandı transfer etmək istədiyi futbolçudu".


Xatırladaq ki, ölkəmizdə çalışan digər əcnəbi məşqçi, "Xəzər Lənkəran"ın çalışdırıcı Con Toşak isə bir müddət öncə Beyli braziliyalı ulduz Neymardan üstün futbolçu hesab etdiyini bildirmişdi".