Sumqayıt şəhəri ərazisində ağır yol qəzasında 5 nəfər ölüb

Bakı-Quba yolunda, Sumqayıt şəhəri ərazisndə gecə 00:20-də ağır yol qəzası zamanı 5 nəfər ölüb, 5 nəfər isə yaralanıb.


Daxili İşlər Nazirliyinin Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev Trend-ə bildirib ki, Sumqayıt şəhər sakini, 22 yaşlı Məmmədov Anar Səxavət oğlunun idarə etdiyi "Volkswagen Passat" markalı, 25 yaşlı Bağırov Babək Davud oğlunun idarə etdiyi "Hyundai Santa Fe" markalı və Məmmədov Müslüm Rza oğlunun idarə etdiyi "Azsamand" markalı maşınlar toqquşub.


Nəticədə avtomobillərdə olan sərnişinlərdən Qismət Kərimov, Rəşad Cəlilov və şəxsiyyəti hələ müəyyənləşməmiş 3 nəfər hadisə yerində dünyasını dəyişib.