Azərbaycanda süd istehsalı tələbatdan iki dəfə azdır

Azərbaycanda il ərzində 1,7 mln. ton süd süd istehsal olunur. Bu isə faktiki illik tələbatdan (3,45 mln. ton) təxminən iki dəfə azdır.

Bunu APA-nın Kənd Təsərrüfatı Nazirliyi heyvandarlıq məhsullarının istehsalı, emalı, damazlıq işi və otlaqlar şöbəsinin müdiri Çingiz Fərəcov bildirib.

Onun sözlərinə görə, hazırda ölkədə hər inəkdən orta hesabla 1 307 kq süd sağılır. Lakin əhalinin südə olan tələbatını tam ödəmək üçün bu göstərici 2 500 kq-a çatdırılmalıdır.

«Hazırda bu istiqamətdə ciddi işlər aparırıq. Azərbaycanda ümumilikdə 12 südçülük kompleksi yaradılıb. Keçən il isə ölkədə 1,7 mln. ton süd istehsal olunub», - deyə Ç.Fərəcov bildirib.