Bakı-Tbilisi-Qars dəmir yolunun yaradılması üzrə işlər qrafik üzrə gedir

Bakı-Tbilisi-Qars (BTQ) yeni dəmir yolunun yaradılması layihəsi çərçivəsində işlər planlaşdırılan qrafikə uyğun aparılır. Trend-in məlumatına görə, bu barədə jurnalistlərə açıqlamasında "Azərbaycan Dəmir Yolları" QSC-nin rəhbəri Arif Əsgərov layihə çərçivəsində işlərin dayandırılması ilə bağlı sualı cavablandırarkən bildirib.

Onun sözlərinə görə, Azərbaycan tərəfi 2013-cü il ərzində işlərin maliyyələşdirilməsi ilə bağlı büdcəni təsdiqləyib və bütün işlər əvvəlcədən planlaşdırılan qrafik üzrə gedir.

"Bütün işlər qrafikə uyğun şəkildə gedir və 2013-cü ilin sonuna kimi yekunlaşdırılmalıdır", -Əsgərov vurğulayıb.