Azərbaycan prezidenti İlham Əliyev UEFA prezidenti Mişel Platinini qəbul edib

Azərbaycan Respublikasının Prezidenti İlham Əliyev sentyabrın 21-də UEFA-nın prezidenti Mişel Platinini qəbul edib.


Görüşdə Azərbaycanda idmanın müxtəlif növlərinin inkişaf etdirilməsi ilə bağlı görülən işlərin önəmi qeyd olunub, müasir idman infrastrukturunun yaradılması istiqamətində ölkəmizdə həyata keçirilən tədbirlər yüksək qiymətləndirilib.


Söhbət zamanı Azərbaycan ilə UEFA arasında uğurlu əməkdaşlığa, ölkəmizdə futbolun inkişafı istiqamətində islahatların aparılmasına dair məsələlər ətrafında fikir mübadiləsi aparılıb.