Naxçıvan-Bakı reysi güclü yağışa görə gecikir

Paytaxta yağan güclü yağış J2/256 Naxçıvan-Bakı aviareysinin işinə təsir edib.

Heydər Əliyev Beynəlxalq hava limanından Trend-ə verilən məlumata görə, hava şəraiti ilə əlaqədar olaraq Naxçıvan-Bakı reysinin ləğv edilib-edilməyəcəyi dəqiq bilinmir.

Digər reyslərin uçuş qrafikində gecikmə qeydə alınmayıb.

Qeyd edək ki, bazar ertəsindən çərşənbə axşamına keçən gecə Bakıya güclü leysan yağmağa başlayıb.