Bakıda avtomobil divara çırpılıb, sürücü ölüb, onun oğlu isə yaralanıb

Bakıda ölümlə nəticələnən ağır yol qəzası baş verib.

Bakı şəhər Baş Polis İdarəsindən APA-ya verilən məlumata görə, hadisə sentyabrın 28-də saat 01.00 radələrində Bakı - Mərdəkan yolunda qeydə alınıb. Bakı şəhər sakini Əfqan Axundov idarə etdiyi «Reno» markalı avtomaşını dirəyə vurub və idarəetməni itirərək aşırıb. Nəticədə sürücü hadisə yerində ölüb, maşında olan sərnişin, sürücünün oğlu Rasim Axundov isə xəsarətlə xəstəxanaya yerləşdirilib.

Faktla bağlı araşdırma aparılır.