ABŞ-ın Əfqanıstandakı hərbi texnikasının bir hissəsi Azərbaycan ərazisi vasitəsilə Avropaya daşınır

ABŞ Ordusunun Əfqanıstandan çıxarılan hərbi texnikasının bir hissəsinin Azərbaycan ərazisindən keçməklə Avropaya daşınır.

APA-nın hərbi mənbələrdən əldə etdiyi eksklüziv məlumata görə, texnikanın Azərbaycan ərazisi ilə çıxarılması prosesinə bir müddətdir, başlanıb.

Qazaxıstanın Aktau limanına gətirilən ABŞ-a məxsus yüklər və hərbi texnikalar buradan bərə vasitəsi ilə Azərbaycana gətirilir. Azərbaycandan isə nəqliyyat vasitələri və dəmir yolu ilə Gürcüstanın Poti limanına daşınır.

Sentyabrın 28-də hərbi texnikalarla yüklənmiş daha bir maşın karvanının Bakıdan qərb istiqamətində hərəkəti müşahidə olunub.

Qeyd edək ki, artıq ABŞ hərbi texnikalarının Azərbaycan ərazisindən daşındığını əks etdirən fotolar da yayılıb.