Park Cinema uşaq evinin sakinlərinə animasiya filmləri göstərdi

Bakı şəhərinin uşaq evləndən birinin sakinləri Metro Park-da yerləşən Park Cinema kinoteatrına mədəni-kütləvi gəzintiyə çıxmışdırlar.


Qrup 6 yaşından 14 yaşadək 45 uşaqdan və üç tərbiyəçidən ibarət idi.


Kinoteatr uşaqları animasiya filmlərinə baxmağa dəvət etmişdir. Baxışdan öncə qonaqlara dadı ilə tanınan popkorn və Coca-Cola şirkətinin təqdim etdiyi içki və suvenirlər paylanıldı.


Uşaqların bayramı tədbir təşkilatçılarına da sevinc yaşatdı. Kinoteatra təşrif buyurmaq uşaqlara hər zaman səmimi sevinc hissləri bəxş edir, çünki onlar üçün gəzintiyə çıxmaq, ələxsus da maraqlı filmi 3D-də izləməkdən maraqlı nə ola bilər?!


Park Cinema şəbəkəsi yarandığı gündən uşaq evlərinə qayğı və dəstəyini əsirgəmir.


Ölkədə ilk yeni nəsil kinoteatrlar şəbəkəsi olan Park Cinema 16 oktyabr 2010-cu il tarixində fəaliyyətə başlamışdır. Hal-hazırda şəbəkə 3 kinoteatr, 13 zal və 2200-dən artıq oturacaq yerlə təqdim olunub.