"Onlar"ın ad günü keçirdilər [Foto]

ATV telekanalının ən baxımlı maqazin verilişi “Onlar” 10 yaşını təmtəraqlı şəkildə qeyd edib.


Şou-biznesin tanınmış simalarının qatıldığı gecədə sürprizlə dolu anlar yaşanıb.



Xatirə “Onlar”ın rejissoru və aparıcısı Afaq Gəncəlini təbrik edərək, ona gözəl süjetlərə görə minnətdarlığını bildirib.


“Onlar”ın özəl gecəsinə gələnlər arasında xalq artisti Faiq Ağayev, Zülfiyyə Xanbabayeva, müğənnilər Samir Piriyev, Nadir Qafarzadə, Samir Cavadzadə, Natavan Həbibi, Aysel Əlizadə, Ayan Babakişiyeva, Manana, Rəqsanə, Elçin Cəfərov, Yaşar Yusub, meyxanaçı Namiq Qaraçuxurlu, rəqqasə Fatimə, bəstəkar Gövhər Həsənzadə və başqaları var idi.


Gecənin sonuncu qonağı isə əməkdar artist Abbas Bağırov olub. O, tədbirə gec qatılmasını bir-birinin ardınca səsləndirdiyi mahnılarla unutdurmağa çalışıb.


Gecənin ən maraqlı hissəsi isə Natavan Həbibi, Abbas Bağırov və Elnarə Xəlilovanın iştirakı ilə “Onlar”ın himninin səsləndirildiyi məqam olub.








Foto: Lala Quliyeva / 1news