Azərbaycan əhalisi bu il kreditlər üzrə faizlərin ödənilməsinə 453 mln. dollar xərcləyib

Bu ilin yanvar-sentyabr ayları ərzində Azərbaycanda əhalinin gəlirləri əvvəlki ilin eyni dövrü ilə müqayisədə 7,6% artaraq 25,4 mlrd. manata çatıb.

Əhalinin adambaşına düşən gəlirləri isə orta hesabla 2 736,5 manat və ya ayda 304,1 manat təşkil edib.

Hər nəfərə düşən gəlirlərin artımı istehlak qiymətlərinin bahalaşmasını 3,9 faiz bəndi üstələyərək 6,2% olub.

Bu dövr ərzində gəlirlərin 68,5%-i son istehlak, 9,1%-i vergilər, sosial sığorta və üzvlük haqları, 1,7% kreditlər (355,6 mln. manat) üzrə faizlərin ödənilməsinə, 20,7%-i isə əmanətlərin və kapitalın artırılmasına yönəldilib.

Əhalinin sərəncamında qalan gəlirləri 23,1 mlrd. manat təşkil edərək əvvəlki ilin eyni dövrünə nisbətən 7,5% artıb.