Ell yeni klipini təqdim edib

Azərbaycanın “Eurovision-2012” qalibi Eldar Qasımov yeni klipini təqdim edib.

Live.az xəbər verir ki, “The one” adlı mahnıya çəkdirdiyi klipinin təqdimatında jurnalistlərlə yanaşı, müğənninin fanatları da olub.

E.Qasımov təqdimatdan öncə pərəstişkarları ilə şəkil, çəkdirib, aftoqraf verib.

Daha sonra isə tədbir başlayıb. Zəhra Bədəlbəyli tədbirə qatılanları salamlayıb.

Daha sonra “The one” klipi nümayiş olunub. Bildirək ki, klipdə müğənnini “Nero” qrupu müşayiət edib.

E.Qasımov klipindən razı qaldığını deyib. Yeni işini uğurla ərsəyə gətirdiyinə görə xoşbəxt olduğunu vurğulayıb:

“Bu gün mənim üçün çox önəmlidir. Onu da deyim ki, mən hər zaman özümə tənqidi yanaşıram. Düşünürəm ki, bu klip heç də pis alınmayıb”.

Bildirək ki, klip ilk öncə Azərbaycanda, daha sonra isə Avropada, həmçinin MDB ölkələrində nümayiş olunacaq.






Фото 1-9: со съемок
Фото 10-14: Tofiq Babayev