Əfqanıstandan ISAF-ın yüklərinin 30%-i Azərbaycan vasitəsilə daşınır

Bu gün Əfqanıstanda Beynəlxalq Təhlükəsizliyə Yardım Qüvvələrinin (ISAF) yüklərinin 30%-i Azərbaycan vasitəsilə daşınır.

APA-nın xəbərinə görə, bunu jurnalistlərə açıqlamasında Azərbaycan xarici işlər nazirinin müavini Araz Əzimov bildirib.

“Azərbaycan və NATO arasında gələcəkdə Əfqanıstandan yükdaşımaların həcminin artırılması barədə razılaşma əldə oluna bilərmi?” sualına nazir müavini belə cavab verib: “Yükdaşımalar sırf iqtisadi məsələdir. Ona görə də bu məsələni həddindən artıq siyasiləşdirməyə ehtiyac yoxdur. Həmçinin Azərbaycanla NATO arasında xüsusi saziş imzalanması zərurəti də görünmür”.