Azərbaycanda anasını və qardaşı döyərək öldürən şəxsə hökm oxunub

Bakı Ağır Cinayətlər Məhkəməsində anasını və qardaşını döyərək öldürməkdə təqsirləndirilən Oleq Abışovun cinayət işi üzrə məhkəmə prosesi başa çatıb.

APA-nın məlumatına görə, prosesdə hökm oxunub. Hökmə əsasən, O. Abışov ömürlük olaraq azadlıqdan məhrum edilib.

Qeyd edək ki, O. Abışov martın 12-si saat 22:20 radələrində Pirallahı qəsəbəsində anası Lidiya Abışova və qardaşı Yuri Abışov döyərək qətlə yetirib.

Xəzər Rayon Poli İdarəsinin Cinayət Axtarış Şöbəsi və 3-cü Polis Bölməsi əməkdaşlarının keçirdikləri əməliyyat tədbirləri nəticəsində hadisəni törədən Oleq Abışov tutulub. O, bildirib ki, anasını və qardaşını fevralın 11-də döyərək öldürüb. Hadisəyə səbəb isə onların Oleqə spirtli içki almaq üçün pul verməmələri olub.