Yevlaxda avtomobil yoluna çıxan velosipedçi həyatını itirdi

Yevlax şəhərinin Çənlibel qəsəbəsi ərazisində velosipedçinin ölümü ilə nəticələnən yol-nəqliyyat hadisəsi baş verib.


Trend EL TV-yə istinadən xəbər verir ki, Yevlax sakini Yaşar Ərşad oğlu İsmayılov idarə etdiyi "Mersedes" markalı avtomobillə şəhər istiqamətində hərəkətdə olarkən Çənlibel qəsəbəsində yaşayan 1990-cı il təvəllüdlü Ağa Qərib oğlu Nağıyev velosipedlə onun yoluna çıxıb.


Bu zaman "Mersedes"lə velosipedin toqquşması nəticəsində Ağa Nağıyev yaralanıb. Yaralı Yevlax Mərkəzi Rayon Xəstəxanasına yerləşdirilsə də onun həyatını xilas etmək mümkün olmayıb.