Azərbaycan prezidenti Dədə Qorqud parkında görülən işlərlə tanış olub

Azərbaycan prezidenti İlham Əliyev və xanımı Mehriban Əliyeva oktyabrın 22-də Bakının Nərimanov rayonu ərazisində yeni salınan Dədə Qorqud parkında həyata keçirilən işlərlə tanış olublar.

APA-nın məlumatına görə, parkda görülən işlər barədə dövlət başçısına məlumat verilib.

Bildirilib ki, parkda Azərbaycan mədəniyyətinin nadir nümunələrindən olan Dədə Qorqud dastanına ucaldılan abidə kompleksi üzərində tamamlama işləri də həyata keçirilir.

Prezident və xanımı parkın ərazisini gəzib, inşaat işlərinin gedişi ilə maraqlanıblar.

Dövlət başçısı görüləcək işlərlə bağlı müvafiq tapşırıqlarını verib.