Əbülfəs Qarayev fransız aktyoru Jerar Depardye ilə görüşüb

Oktyabrın 23-də mədəniyyət və turizm naziri Əbülfəs Qarayev dünya şöhrətli fransız aktyoru Jerar Depardye ilə görüşüb. APA-nın məlumatına görə, Ə.Qarayev J. Depardyeni növbəti dəfə Bakıda görməkdən məmnun olduğunu bildirib, son illər mədəniyyət sahəsinin inkişafından, bu sahədə görülən işlərdən danışıb.


Görüşdə son dövrlərdə inkişaf edən Azərbaycan-Fransa mədəni əlaqələri, məşhur aktyorla kino sahəsindəki əməkdaşlıq məsələləri və bu istiqamətdə perspektivlər müzakirə edilib.


J.Depardye əvvəlki səfərlərində olduğu kimi bu dəfə də Bakının gündən-günə gözəlləşdiyinin şahidi olduğunu deyib, habelə Azərbaycan mədəniyyətini sevdiyini bildirib.