Lənkəranda 19 yaşlı oğlan bıçaqla qətlə yetirilib

Azərbaycanın Lənkəran rayonunda qətl törədilib. Rayon Prokurorluğundan APA-ya verilən məlumata görə, hadisə Ləvəngi dairəsində qeydə alınıb.

Lənkəran sakini, 1991-ci il təvəllüdlü Əmrah Məmmədov mübahisə zəminində həmyerlisi, 1994-cü il təvəllüdlü Elvin Vəliyevi bıçaqlayaraq qətlə yetirib.

Hadisəni törədən Ə.Məmmədov saxlanılıb. Faktla bağlı cinayət işi başlanıb, istintaq gedir.