Müdafiə Nazirliyi Hərbi Hava Qüvvələrinin rəhbərliyində dəyişiklik məsələsinə aydınlıq gətirib [Yenilənib]

Azərbaycan Müdafiə Nazirliyi Hərbi Hava Qüvvələrinin rəhbərliyində dəyişiklik edilməsi məsələsinə aydınlıq gətirib.


Nazirlikdən Trend-ə daxil olan məlumatda qeyd olunur ki, Hərbi Hava Qüvvələrinin komandanı general-mayor Altay Mehdiyevin dəyişdirilməsi ilə bağlı kütləvi informasiya vasitələrində gedən məlumatlar həqiqəti əks etdirmir.


____________


02:12 25.10


Azərbaycan müdafiə nazirinin yeni müavini təyin olunub. APA-nın hərbi mənbələrdən əldə etdiyi məlumata görə, yeni nazir müavini və Hərbi Hava Qüvvələrinin komandanı, general-mayor Ramiz Tahirovdur.

R. Tahirov Hava Hücumundan Müdafiə Qoşunlarında xidmət edib. O, bu təyinata qədər Azərbaycan Prezidentinin hərbi məsələlər üzrə köməkçisinin müavini vəzifəsində çalışıb.

Qeyd edək ki, bu gün müdafiə nazirinin müavini, Hərbi Hava Qüvvələrinin komandanı, general-mayor Altay Mehdiyev vəzifəsindən azad olunub.