Los-Anceles aeroportunda atışma olub, ölən və yaralananlar var

Los-Anceles aeroportunda baş vermiş atışma nəticəsində bir nəfər ölüb. APA-nın “İnterfaks”a istinadən verdiyi məlumata görə, bu barədə xəbəri “Los Anceles” qəzeti yayıb. Ölən hava limanının nəqliyyat təhlükəsizliyi İdarəsinin əməkdaşı olub.
 
Yerli hüquq-mühafizə orqanlarındakı mənbənin bildirdiyinə görə, atışma nəticəsində minimum 3 nəfər yaralanıb. Atışma sərnişinlərin yoxlanıldığı salondan kənar ərazidə baş verib.
 
Atəş açmaqda şübhəli bilinən şəxsin artıq saxlanıldığı bildirilir.