Azərbaycanda təhsil alan əcnəbi tələbələrin sayı açıqlanıb

Azərbaycan ali məktəblərində 5389 nəfər əcnəbi tələbə təhsil alır. ANS-in Təhsil Nazirliyinin rəsmi saytına istinadən verdiyi xəbərə görə,əcnəbi tələbələrin böyük əksəriyyəti texniki və tibb ixtisasları üzrə təhsil almaqdadırlar.

Verilən məlumatlara görə, ən çox əcnəbi tələbə Azərbaycan Tibb Universitetində, Azərbaycan Memarlıq və İnşaat Universitetində və Azərbaycan Dövlət Neft Akademiyasında təhsil alır.

Qeyd edək ki, Azərbaycanda təhsil alan əcnəbi tələbələr, əsasən Türkiyə, İran, Rusiya, Türkmənistan, Gürcüstan, Çin, İraq, Pakistan, Qazaxıstan və Suriya vətəndaşlarıdır.