Heydər Piriyev Heydər Əliyev adına Azərbaycan Ali Hərbi Məktəbinin rəisi təyin olunub

General-mayor Heydər Piriyev Heydər Əliyev adına Azərbaycan Ali Hərbi Məktəbinin (AAHM) rəisi təyin olunub.

Bu barədə APA-ya AAHM-dən məlumat verilib.

Buna qədər AAHM rəisi vəzifəsini məktəb rəisinin müavini, polkovnik Mirzəli Yusifov icra edib.

M. Yusifov APA-ya açıqlamasında məktəbin rəis müavini vəzifəsində qaldığını bildirib: “İndiyədək rəis vəzifəsini icra edirdim”.

Buna qədər H. Priyev Naxçıvan 5-ci ordu birləşməsinin qərargah rəisi, ondan əvvəl isə AAHM rəisi vəzifəsində çalışıb. H. Piriyev Qarabağda - Füzuli bölgəsində gedən döyüşlərdə hərbi hissə komandiri kimi xidmət edib.

Daha bir təyinat olub. APA-nın xəbərinə görə, müdafiə naziri general-polkovnik Zakir Həsənovun imzaladığı müvafiq əmrlə Bakıda yerləşən “N” saylı hərbi hissənin komandiri, polkovnik Hikmət Həsənov Naxçıvan korpusuna qərargah rəisi vəzifəsinə təyinat alıb.