Bakıda polis bölməsindən qaçan təqsirləndirilən şəxs tutulub

Bakıda polis bölməsindən qaçan təqsirləndirilən şəxs tutulub.

Bu barədə APA-ya Suraxanı rayon Polis İdarəsindən bildirilib.

Fariz Fərahil oğlu Rzayev polis əməkdaşlarının həyata keçirdiyi əməliyyat tədbirləri nəticəsində bu gün Bakı şəhərində saxlanılıb.

Qeyd edək ki, Suraxanı Rayon Polis İdarəsi tərəfindən Cinayət Məcəlləsinin 185.2.1-ci (talama məqsədi olmadan qanunsuz olaraq avtomobil və ya başqa nəqliyyat vasitəsini ələ keçirmə - qabaqcadan əlbir olan bir qrup şəxs tərəfindən törədildikdə) maddəsi ilə axtarışda olan Fariz Fərahil oğlu Rzayev noyabrın 3-də Lənkəranda tutularaq Bakıya gətirilib.

Təqsirləndirilən şəxs noyabrın 3-dən 4-ə keçən gecə saxlandığı 30-cu polis bölməsindən qaçıb.