Bakı sakini bacısının həyat yoldaşını bıçaqlayıb

Bakıda baldız yeznəsini bıçaqlayıb. Bakı şəhər Baş Polis İdarəsindən APA-ya verilən məlumata görə, hadisə noyabrın 5-də Sabunçu qəsəbəsində qeydə alınıb.

Bakı şəhər sakini Famin Ramaldanov qarın nahiyəsindən aldığı bıçaq xəsarəti ilə 3 saylı Şəhər Klinik Xəstəxanasına yerləşdirilib.

Sabunçu Rayon Polis İdarəsinin 12-ci Polis Bölməsi əməkdaşlarının keçirdiyi əməliyyat nəticəsində F. Ramaldanovun hadisəni törətməkdə şübhəli bilinən baldızı, Bakı şəhər sakini Günay Hacıyeva tutulub.