Тото Kutunyo, Al Bano və İtaliyanın digər məşhur sənətçiləri Bakıda konsert verəcəklər

Dekabrın 18-də İtaliyanın məşhur musiqiçiləri Azərbaycanın qonağı olacaqlar.

APA-nın xəbərinə görə, San-Remo Festivalının iştirakçıları və qalibləri olmuş, uzun illər dünya səhnələrini fəth etmiş Тото Kutunyo, Al Bano, “Ricci e Poveri” qrupu, Rikkardo Folyi, Umberto Totsi, Toni Espozito, Pupo, Matia Bazar, Al Bano, Fiordaliso, İvana Spanya Bakının ən böyük zalı olan “Crystal Hall”da ilk dəfə çıxış edəcəklər.

Konsertin piar meneceri Zəhra Bədəlbəyli APA-ya bildirib ki, ulduzlar Bakıda özlərinin ən məşhur mahnılarını ifa edəcəklər. Konsert dekabrın 18-də Heydər Əliyev Fondunun dəstəyi ilə “Crystal Hall”da keçiriləcək. Biletlər artıq satışdadır və şəhərin kassalarından əldə etmək olar. Qiymətlər 20 manatdan başlayır.