Bakıda yaşayış evində partlayış olub, yaralanan var

Bakıda yaşayış evində partlayış olub. Binəqədi rayon Polis İdarəsindən APA-ya verilən məlumata görə, hadisə Sulutəpə qəsəbəsində qeydə alınıb.

Qəsəbə sakini Şəfahət Cənnətəliyevanın evində qaz sobası ilə ehtiyatsız davranıldığından yanğına keçən ani partlayış baş verib. Nəticədə dağıntı olmayıb. Yanıq xəsarəti alan Ş.Cənnətəliyeva xəstəxanaya yerləşdirilib.

Faktla bağlı araşdırma aparılır.