Qubada 5 gün əvvəl maşınla vurulan velosipedçi dünyasını dəyişib

Noyabrın 7-də səhər saatlarında Quba rayonunun İkinci Nügədi kəndində avtomobil tərəfindən vurulan velosipedçi bu gün səhər saatlarında dünyasını dəyişib.

APA-nın yerli bürosunun xəbərinə görə, 1974-cü il təvəllüdlü Eldəniz Əlihüseynov həmkəndlisi Rəşid Kərimulla oğlu Qasımovun idarə etdiyi 90 KH 604 dövlət nömrə nişanlı “VAZ-2107” markalı avtomaşın tərəfindən vurulub. Həkimlərin səyinə baxmayaraq onun həyatını xilas etmək mümkün olmayıb.

Faktla bağlı Quba rayon Polis Şöbəsində araşdırmalar davam etdirilir.