Kərim xeyriyyə konserti verib

Populyar azərbaycanlı müğənni Kərim Abbasov talesemiya daşıyıcısı olan Vəzirxan İskəndərov üçün təşkil olunan yardım aksiyasında iştirak edib.



Live.az-a verdiyi məlumata görə, müğənni ticarət mərkəzlərinin birində solo konsert verib.



Kərim bütün müğənni həmkarlarını və pərəstişkarlarını 8 ildir həyatda qalmaq uğrunda mübarizə aparan Vəzirxan İskəndərova dəstək olmağa çağırıb.



“Vəzirxana hər iki həftədən bir qan köcürülməlidir. Bu əməliyyat donor ilə 90 min, donorsuz 150 min avro təşkil edir. 8-yaşlı Vəzirxanın valideyinlərinə sizin maddi və mənəvi köməyiniz lazımdır. Gəlin Vəzirxana dəstək olaq. Bu yolda Allah köməyimiz olsun”, - deyə müğənni bildirib.