Gəncədə yaşayış binasında partlayış olub

Gəncədəki yaşayış binalarından birində yerləşən mənzildə partlayış baş verib.

Trend Kəpəz TV-yə istinadən məlumat verir ki, hadisə Atatürk prospekti, 247 ünvanında yerləşən 6A saylı binada, Cavanşir Əliyevə məxsus mənzildə qeydə alınıb. Nəticədə 3 otaqlı mənzilin 2 otağına ciddi ziyan dəyib.

Hadisə yerinə təcili yardım maşını və yanğınsöndürənlər cəlb olunub. Mənzildə təmir aparıldığından yaşayış olmayıb. Həmin vaxt içəridə olan 2 usta isə xəsarət almayıb.

Qəflətən baş verən hadisə ilə bağlı polis və Fövqəladə Hallar Nazirliyinin əməkdaşları araşdırma aparır.