Ucar sakini traktorun altında qalaraq ölüb

Ucar sakini bədbəxt hadisə nəticəsində dünyasını dəyişib.

Rayon Polis şöbəsindən APA-ya verilən məlumata görə, hadisə bu gün səhər saatlarında rayonun Alpout kəndində qeydə alınıb.

1959-cu ildə Ucar rayonu Ənvər Məmmədxanlı kəndində anadan olmuş Mehdiyev Şahin Mirzə oğlu özünə məxsus traktorla Alpout kəndi ərazisində hərəkətdə olarkən idarəetməni itirib.

Traktorun aşdığını görən Ş. Mehdiyev kabinədən tullansa da, traktorun altında qalaraq ölüb.

Faktla bağlı Ucar rayon Prokurorluğunda araşdırma aparılır.