Azərbaycan Pakistan istehsalı olan döyüş təyyarələri ala bilər

Azərbaycan Pakistan istehsalı olan JF-17 “Thunder” döyüş təyyarələrini almağa maraqlıdır. Bu barədə APA-nın əməkdaşı Dubay avişousunda iştirak edən Pakistan nümayəndə heyətindən məlumat əldə edib.

Tərəflər arasında bununla bağlı indiyədək bir neçə dəfə danışıqlar keçirilib. Azərbaycan mütəxəssisləri Pakistanda JF-17 “Thunder” təyyarələrinin uçuş və atışlarını izləyiblər. İstehsalçı PAC şirkəti təyyarənin satışı ilə bağlı qiymətləri Azərbaycan Müdafiə Nazirliyinə təqdim edib: “Təyyarənin satışında heç bir problem yoxdur. Azərbaycan tərəfinin istədiyi aviyonik sistemləri üzərinə yerləşdirə biləcəyimizi bəyan etdik. Bu təyyarələr Rusiya istehsalı olan mühərriklə təchiz edilir və bununla bağlı da hansısa problem görmürük”.